The Worst Pie

Search

唉

26 Aug

Posted by 7h as 双失, Aug 26th 2003 at 23:08

我觉得自己好蠢啊，同啲人玩，结果搞到自己俾人诬陷，话我拒绝帮老细做嘢，搞到依家衰晒，唉，唔想多讲～

虽然自己好唔想离开，但係今日我都係一口应承话去，因为周围啲人都逼我去，外部原因，而我自己做决定嘅原因就係唔想见到公司入面一个个为咗唔去，互相推嚟推去，面目太丑恶了，与其对住帮互相推卸嘅人，虚伪呕心嘅言词，不如我自己落地狱算了，亦免却某啲人离职嘅危机。我觉得自己当时一口应承，不假思考，真係好义不容辞，好悲壮咁样，唉，都唔想讲了～

讲返依排公司因为登咗招聘广告，引咗好多人上门嚟做广告，今日我就“接待”咗啲好唔老练但係就扮到好老练嘅sales，我就係好唔老练，但係冇扮老练，我好失策啊，俾咗自己名片俾佢哋，讲错咗小小嘢。见到佢哋果种“老练”，以为自己口才好好，吹得好，窃窃偷笑，我就觉得好厌恶，我听学校某啲老师节节课吹果时，你哋仲着梗开朗裤啊。之后又有一个阿叔上嚟推销Canon打印机同复印机，我话我哋两样都有了，结果搞到佢好尴尬，我唔知同佢讲咗乜嘢，结果搞到佢好尴尬咁样话自己：我就是挨家挨户卖这些东西的……不好意思——竟然咁样咁唔好意思笑住讲自己，搞到根本冇做乜嘢嘅我好似觉得自己做得好过分咁样，即刻讲：没关系没关系。我好唔好意思，迅速咁样删门返位。

今日搭车上班，听电台听到好好听，一个係maksim嘅the piano player，另一个係沙发音乐，前者我好熟，但係一直未听过，搞到我今日听完之后成日想即刻去买，去HY买，如果当年喺U，我落课就即刻去HY买了，依家冇机会了。

前两日，星期日，去咗沙面听讲座，好耐冇去沙面了，周围都係咁熟悉，我有三分之一嘅童年都係喺沙面渡过嘅，真係好怀念，好想行下，可惜时间安排唔到，江边都好舒服，不过，唯有留待下次再享受了。

版面更新～

18 Aug

Posted by 7h as 双失, Aug 18th 2003 at 0:08

我想先讲下我做更新嘅理念——

依段时间一直心情都唔係好好，同同学分开，我一路冇乜感觉，直到就快同共事唔到三个月嘅同事分开，我觉得就完全孤立了，真係好伤心，连埋同同学分开嘅伤心一齐嚟。我短短依段时间失去咗朋友，失去咗同学，失去咗同事，失去咗校园，失去咗工作，失去目标，失去理想，完全冇晒目的地，真係好迷茫，所以，做依个版面果时，加入咗小小个人情绪。

可能大家睇个版面改变唔大，但係其实我已经将全部代码重新写过。从五年前单页，到frame，再到单页＋css，再到iframe＋css，最后到依家js＋css，我觉得自己真係太多嘢唔识，太业余，根本就冇水平做落去。。。依方面知识我有三次时期，最开始嘅时候，个人兴趣自主去学，到后嚟停咗好耐，到大二，我承认自己太幼稚，容易被人煽动，自己好傻咁样去地狱式加强，但係可怜自己又蠢又冇天赋，根本就成就唔到乜嘢，一路到依家，睇返依个时期做嘅嘢，都会觉得好恐怖，因为依家我绝对唔会去做依啲咁复杂咁繁琐嘅嘢，简直浪费生命浪费青春。第三个时期就係，自己真係好老了，但係依然咁屎，不过依到已经成为一个任务咁样，好唔情愿咁样继续落去，因我已经唔属于果个层次了，已经被踢出街头，冇人再会去关注依到。不过时间造成搜索引擎收集咗我网站，唔係太熟嘅人知道我网站，偶尔一两个人嘅赞扬或者批评，都令到我感动好耐。

依排，同上文所讲，我已经唔再属于果个层次，或者圈子，真係好沉沦，变成街边乞儿，以前吹捧我嘅，依家行过冷眼都唔会望我一下，但係以前从未吹捧，淡如水之交，到今日都仍然好亲切咁样同我交流。讲返依家我接触嘅圈子，所见，冇我以前嘅友人咁幸运，只係一个人出嚟闯天下，独自去面对各种问题，各种不幸，我所见，真係令到我忘记咗自己嘅不幸，好想去帮助佢哋。谂返转头，我果啲入晒名企国企嘅同学，真係极之幸福，而我所见却係另外一个世界，佢哋学历根本唔差，比起我哋好多人可能仲要好，造成分别嘅原因，我唔想去揾，所以，我所觉得我所处世界唔同，我嘅沉沦，好大程度上唔係我自身，而係我所处所见所面对而产生嘅。我觉得佢哋每一个人都好有斗志，好乐观，好积极拼搏，偶尔遭遇不幸，连我都会觉得心伤心碎。

补写我想写嘅小小嘢：

变相吸毒

果日，我去chinadns交费，回途，又係逼车，走喺体育东，依条路，我行几多次都会觉得陌生，经过装修梗嘅写字楼，闻到俾雨后湿润空气稀释嘅香蕉水味（装修胶水），夹杂住锯木产生嘅木味，界地下大理石砖头嘅粉尘味，加埋锯嘢嘅声音，雨后全部係水氹嘅路面，令到我突然好放松，我真係好中意依种感觉。条件反射挂，反射咗我最幸福最无忧无虑嘅时候。可能係啱啱搬屋果时，完全陌生嘅地方同环境，新建嘅居民区，周围都冇乜人，全部都係装修嘅气味同埋噪音，而且放梗寒假，春天啱啱到嚟，落住毛毛雨，去拜访亲戚，都係装修梗嘅居民区，我真係唔知点解会咁中意依种感觉，真係好幸福好无忧无虑，自己一个人都唔会再有孤单嘅感觉，可能係我童年太艰苦了。。。我好用力咁样去深呼吸依种气味，觉得自己真係好似喺到吸毒咁样。

当然，我同体育东都好唔协调，我好单薄咁样行喺雄伟巨型嘅建筑物之间，身旁行过嘅都係恤衫西裤皮鞋公文包，而我？叭钮衬衫加牛仔裤再加一对已经着到暴晒线嘅cat boot，冇公文包，手上剩係攞住一把半湿嘅遮……

今日好伤心

06 Aug

Posted by 7h as 双失, Aug 6th 2003 at 23:27

今日心情好沮丧，好伤心。我哋科技组最资深嘅Nancy竟然提出辞职。虽然之前佢都私下同我透露过冇乜动力，工作沉闷之类，不过我冇谂到咁突然。下昼佢小息咗一下，就入去揾老总，经过我身后，沙哑咁样同我讲咗句：“我辞职了”，可能佢啱啱瞓醒，沙哑得滞，我听唔清楚，问佢讲乜，佢就改口话冇嘢，我以为自己听错。结果一阵之后出嚟，佢就喺Yahoo Message上面同我讲辞职了。我真係好伤心，同大家识嘅时间唔係太长，但係咁快又要分开。啱啱先经历毕业分别，依家又一次，我真係好脆弱架。

Nancy好好人，大我唔係好多，不过资历最深之一。当初係佢自己要求调去做依个职务嘅，我觉得佢好勇敢，勇于尝试并面对挑战，应该係好有工作激情嘅人。我嚟嘅时间虽然好短，三个月都未够，但係Nancy教识我好多道理，但係我觉得佢自己其实都係新手，所以先咁犹豫不决，辞职后都係唔确定有冇做啱，不过佢觉得Phyllis同我支持佢，其实我自己依方面，自私咁讲，我真係唔想佢走，因为Nancy真係好nice，好帮人，而且好活泼，如果冇咗佢，我喺到真係闷好多，对住个个都好似对住老细咁，或者係啲睇唔清真正谂法嘅人，我真係有啲惊。而Nancy份人好直，有乜讲乜，平时有乜事都俾到建议我，等我冇咁易行差踏错。Nancy直，所以对总公司亦冇乜避讳，所以，佢自己讲嚟，总裁好似唔係太中意佢。公司有Nancy喺到，气氛活跃好多，如果佢唔喺到，真係死寂了。

Nancy寻日先同我讲起大经济杂志入面有关一个女嘅，喺一间即将倒闭嘅公司入面，俾自己五年时间奋斗，最终取得成绩嘅故事。我好反动，同佢讲话都唔知係唔係杜撰嘅。今日谂返，真係好后悔，觉得自己真係好唔应该咁样讲嘢。佢话佢已经考虑咗寻晚一晚加今日一日先做出依个决定，我唔知咁样算唔算冲动，但係佢同我私下提起依个意思就唔止一次了。

Nancy准备9月就去考BEC2，因为非典，所以佢俾拖到依家。唔知佢之后会读书定係工作，我觉得可能我哋公司环境实在唔适合佢，根本发挥唔到佢嘅才华。对住Nancy，冇乜唔可以讲，so我成日讲自己希望可以再进修嘅谂法，唔知佢又有乜嘢打算，祝佢BEC好成绩，唔理之后做乜，都前程似锦啦。

继财务被炒，副总被建议辞职之后，又少一个人了。可能之前，一个交流比较少，一个係老总，交流更加少，所以感觉冇乜，但係今日Nancy话走，我真係觉得我又失去一个好朋友了，我真係唔可以承受失去好友嘅感觉，伤心得仲难受过死，Nancy係我出嚟工作嘅第一个良师益友，一个好nice嘅爽直girl，我真係好感激佢时时对我嘅帮助，谂谂下，我真係呜呜呜呜了～～我都好冲动咁样谂，努力做好依家依个project，做好之后，返去读书。

老总叫Nancy做埋今个月再走，我真係希望到月底有转机……不过我觉得我会赞同佢决定——唔自私嘅话，佢好醒目好精灵，出去一定会有好好前途。

ȅԥְ󶼂SȷЃھ֧ͬցʵԼ˽SΪSúð˶ҺûӅ҆յSƺöסƶסϸ߂SŷSІ˺ֱؿؿƽʱؿ¶µҵ҃Ӆвֱ̤Զܹ˾ؿܻԁԼܲúS̫ڹ˾ІյջԾöյSѰͬҽ󾭼־йһŮһ伴Ն˾ԼʱܶȡóɼҺ÷ͬڽ֪SS׫ŷSúھԼSӦÅSڻѾDžѰһӽһ֪嶯Sͬ˽˼ֹһ׼¾ȥΪǵԁϵ֪֮鶨SҾÿ҆O˾ʵʺρڸچŻסؿԽҳսԼϣٽކŷ֪ؿSףںóɼ֮ؿǰƽ̲񱻳ְܱ֮һ˿֮ǰһȽһSܽԸоؿSջSʧȥһSԳʧȥцоĵܹSҳһʦһÆˬֱS9

又开始颓废了

27 Jul

Posted by 7h as 双失, Jul 27th 2003 at 21:33

终于唔使走了，

可以暂时继续留喺GZ一段时间，

苟延残喘……

觉得自己又开始颓废了，终日无所事事，虽然成日有好多同学陪我倾谒同埋玩，但係发觉佢哋好多时根本唔明白我嘅意思我嘅谂法，对我毫无了解，根本对唔到口径。依家先发觉一路以嚟好乞我憎嘅原嚟係咁鬼了解我嘅谂法同作风，知道我所讲所做係乜嘢意思想点样，可以俾到我真正想要嘅答案。

领导同cheap精都已经消失咗一到两个星期不等，大型国企果然係大型国企，竟然要军训。真係唔明，觉得自己真係好弱，离开三个月嗟，就已经咁低落，人哋成个月都无声无息，自己就咁多嘢放唔低。我真係唔可以去一个连ADSL都冇嘅地方，冇空调，冇私家固话，冇私家电视。最顶唔顺就係三个月冇得去淘碟。而且，我未有手提电脑，未有掌上电脑，未有GBASP，未储钱配新眼镜，换新MD，买高象素DC，点样出远门啊？楼下飞发铺嘅阿丹哥哥话我今次隔咗咁长时间冇去，话跟住几次帮我留长佢，如果离开三个月，佢实唔认得我了。而且，我哋嘅俱乐部啱啱成立，点可以咁就走，仲有我个网站啱啱重新做返，走咗点样继续更新？

有好多谂法，但係今时唔同往日，好多嘢唔可以讲定，剩係可以谂下……了解我嘅或者会知道我究竟谂梗乜～

头先发送失败，结果上面全部重新打过，思路已经丢失，好多词不达意，真係好衰……

大家会唔会挂住我啊

21 Jul

Posted by 7h as 双失, Jul 21st 2003 at 22:39

我要离开GZ，去一个落后嘅岛国了。

嚟得实在太突然了，可能我冇办法可以维持依到了，一段长时间……

呜呜呜呜……

从今日开始日记公开

21 Jul

Posted by 7h as 双失, Jul 21st 2003 at 0:14

寻日真係好幸运，俾我买到2区嘅Tim Burton’s The Nightmare Before Christmas DVD，而且多一个日文音轨，连剧中嘅歌曲都翻译咗做日文，真係好正，搞到我中午睇一次英文原版，晚黑睇一次日文配音版，依出片係我中意咗好耐嘅。另外买到一张清贵嘅细碟，完成我当年错失一张大碟一张细碟嘅遗憾。

今日係我建站5周年，想当年，我建立欧美流行音乐资讯，第一次係用frontpage express（参见hobby栏），一直高考前几日都冇间断更新……

我谂，之后我都冇乜时间去谂太多嘢写落嚟，所以依到我就唔加密码了。

Links

Categories

Archives

Calendar

2010年九月
日 一 二 三 四 五 六
« Aug    
 1234
567891011
12131415161718
19202122232425
2627282930  

Seen

Widgets

  • Creative Commons License
  • del.icio.us
  • feedburner

Meta

Recent Entries

Recent Comments

Most Commented

2007 The Worst Pie - by 7h, 粤ICP备09019891号